'Tramp marşrutu' üzrə danışıqlar gələn həftə gözlənilir
ABŞ-də yaşayan jurnalist Ələkbər Raufoğlu ölkə rəsmilərinin bugünkü ABŞ-Ermənistan-Azərbaycan görüşü barədə əlavə informasiya verdiyini açıqlayıb.
Sülh sazişinin əsas hissəsi olan "Tramp marşrutu" (TRIPP) Ermənistanın suverenliyinə hörmət çərçivəsində maneəsiz əlaqəni təmin edəcək.
Administrasiya yol xəritəsinin detallarını gerçəkləşdirmək üçün dərhal işçi qruplar yaradacaq. "Tramp marşrutu" üzrə danışıqların gələn həftə başlaması gözlənilir.
Bir rəsmi deyib ki, artıq doqquz müxtəlif operator bu layihəyə maraq göstərib, onların üçü ABŞ-dəndir.
Avqustun 8-də Vaşinqtonda ABŞ, Azərbaycan və Ermənistan liderlərinin sülh sammiti dünya mediasının da gündəmindədir.
Sülh sazişi, yoxsa memorandum?
Əliyev Uitkoff ilə görüşdü
Avqustun 7-də Azərbaycan prezidenti İlham Əliyev Vaşinqtonda ABŞ prezidentinin xüsusi elçisi Stiv Uitkoff ilə görüşüb. Xəbəri AZƏRTAC yayıb.
Əliyevin və Uitkoffun iştirakı ilə SOCAR-la "ExxonMobil" şirkəti arasında "Əməkdaşlıq haqqında Memorandum" imzalanıb.
Sənədi Azərbaycanın iqtisadiyyat naziri Mikayıl Cabbarov və “ExxonMobil” şirkətinin vitse-prezidenti Con Ardill imzalayıblar.
Prezident Əliyevin Uitkoffla görüşündə iki ölkənin strateji müstəvidə əməkdaşlığının inkişaf perspektivləri, Ermənistanla Azərbaycan arasında normallaşma prosesi və regiondakı sülh gündəliyi müzakirə olunub.